Kayong lahat ay nagagalak na makatanggap ng gantimpala ng Diyos at makilala ng Diyos. Ito ang nais ng bawat isa pagkatapos nilang magsimulang manampalataya sa Diyos, sapagkat ang tao ay naghahangad ng mas mataas na bagay ng buong puso at wala sa kanila ang may nais mapag-iwanan ng iba. Ito ang pamamaraan ng tao. Sa ganitong kadahilanan, marami sa inyo ang laging nagsisikap na makamit ang pagtangi ng Diyos na nasa langit, ngunit sa katotohanan, ang inyong katapatan at sinseridad sa Diyos ay sobrang kakaunti kumpara sa inyong katapatan at sinseridad sa sarili. Bakit ko nasabi ito? Sapagkat talagang hindi ko kinikilala ang inyong katapatan sa Diyos, at lalong hindi ko tatanggapin ang pagkakaroon ng Diyos sa loob ng inyong mga puso.
